Bo día familias!! Un martes máis
estamos aquí co conto. Hoxe a profe Iria cóntanos o conto dos tres porquiños
como o contaba no centro. Espera que vos guste moito!!
Agora que xa o vimos propoñemos a seguinte actividade. Imos construír as casas dos porquiños e manipular distintos materiais. Debuxaremos nun folio ou cartón a silueta de tres casas. Logo darémoslle aos nenos e nenas distintos materiais, palla, pauiños, e pedriñas ou gravilla. Botaremos cola ou pegamento dentro das casiñas e os nenos e nenas terán que pegar cada material nunha delas como nas dos porquiños. Logo tamén podemos debuxar ou imprimir os porquiños e que os coloreen para que xoguen a colocalos nas súa correspondente casiña. Deixámosvos un enlace para que poidades imprimir tanto a silueta da casa como dos porquiños e do lobo feroz pincha nos seguintes nomes: Casas e Porquiños e lobo.
Con esta actividade
podemos traballar distintos conceptos, grande pequeno (cos porquiños), dentro,
fora, etc. Tamén podemos explicarlles que se traballamos moito teremos a nosa
recompensa, como a que tivo o porquiño maior ao resistir a súa casa por
traballar moito.
Agardamos que desfrutedes moito
da lectura e da proposta e que vos queden moi fermosas as vosas casas!! Unha
aperta!!
No hay comentarios:
Publicar un comentario