Bos
días familias!! Hoxe tócanos traballar a motricidade fina. Para isto propoñemos
dúas actividades diferentes que despois vós podedes modificar segundo os
materiais que teñades e as capacidades dos vosos nenos e nenas.
A
primeira proposta é ensartar, precisaredes: plastilina, arxila, ou algún
material que faga de base, logo pinchos morunos e macarróns ou palliñas. Termos
que facer unha bola coa plastilina ou a arxila e pegala na mesa, cravar os
pinchos morunos nela e o neno ou nena
terá que ensartar os macarróns nos pinchos. Para os máis agudos poderemos ensartar
as palliñas que teñen o buraco máis pequeno. Previamente poderemos proporlle
aos nenos que pinten os macarróns de cores e despois poderán ensartalos nos
pinchos por cores iguais que o poden facer tamén coas palliñas. Deixamos unhas
imaxes de mostra.
A
segunda proposta é facer un colar ou pulseira de macarróns, para isto
precisamos vasos con auga, colorante alimenticio, ou pintura de dedos,
macarróns, e lá. Os nenos e nenas tinguirán os macarróns, ben pintándoos con
pintura de dedos ou somerxéndoos nun vaso con auga e colorante, logo
deixarémolos secar. Cando xa estén secos o adulto fará un no nó final do fío da
lá e os nenos e nenas ensartarán os macarróns na lá ata crear un colar ou unha
pulseira. Deixamos unhas imaxes de mostra.
Agardamos
que os pequenos e pequenas se entreteñan moito con esta actividade que será moi
produtiva para a súa motricidade fina e a súa coordinación ollo man. Enviádenos
fotos para ver que ben quedaron os vosos colares e pulseiras e que guapos estades e tamén para
ver que ben o pasastes, unha aperta!!
No hay comentarios:
Publicar un comentario