Estamos aquí de novo!!! Hoxe
queremos facervos unha proposta que será moi importante para cada unha das
actividades que fagades cos nenos e nenas que é o momento da recollida. Pode
ser un proceso tan divertido como o momento do xogo. Para amenizar ese momento
deixámosvos unha canción que cantábamos no centro, e a eles e elas lles gustaba
moito.
Podemos xogar con pezas, con
bloques, con cubos, ou calquera material que nos sirva para apilar, facer
filas, facer formas, etc. A idea é que no momento que rematen de xogar cos
materiais, os recollan pero de xeito divertido, por exemplo: facendo un camiño
coas pezas cara a caixa onde as temos que gardar, ou seleccionando primeiro as
dunha mesma cor, ou forma, e gardando esas, ou incluso podemos esconderllas e
segundo as vaian atopando que as vaian gardando na súa caixa correspondente.
Tratase simplemente de converter a hora da recollida nun momento ameno que lles
apeteza facer e que podemos amenizar coa canción anterior.
Deste xeito de forma lúdica,
creamos un bo hábito!!
Agardamos que todos e todas
canten e recollan despois de xogar e nos mandedes uns vídeos para que poidamos
velo!!! Unha aperta!!
No hay comentarios:
Publicar un comentario